अदानचुलीमा ६० जनालाई बेमौसमी तरकारी खेती सम्बन्धी तालिम दिन सुरु

समाज

गृहपृष्ठ
समाज
अदानचुलीमा ६० जनालाई बेमौसमी तरकारी खेती सम्बन्धी तालिम दिन सुरु

तालिम अदानचुलीमा ६० जनालाई बेमौसमी तरकारी खेती सम्बन्धी तालिम दिन सुरु

शुक्रबार, असार २१, २०८१ कचहरी समाचारदाता

उद्योग तथा उपभोक्ता हित संरक्षण कार्यालय हुम्लाले अदानचुली ६० जनालाई बेमौसमी तरकारी खेती सम्बन्धी तालिम दिन सुरु गरेको छ । मुख्यमन्त्री कार्यक्रम अन्त्रगत दलित लक्षित कार्यक्रम अन्त्रगत हुम्लाका ४ वटा गाउँपालिकामा सिप सिकौ आत्म निर्भर बनौ भन्ने नारा सहित ७ दिन बेमौसमी तरकारी खेती तालिमको आज उद्धघाटन भएको तालिमका प्रशिक्षक रतन भण्डारीले बताउनु भएको छ । कार्यक्रमका उद्यम बिकास सहजकर्ता सरिता भण्डारीको अध्यक्षतामा तथा अदानचुली गाउँपालिकाका उपाध्यक्ष कर्ण रोकाया सुधारको प्रमुख आतिथ्यमा अदानचुली गाउँपालिकाको सभगृहहलमा उद्धघाटन गरिएको छ ।

उद्धघाटन कार्यक्रमलाइृ सम्बोधन गर्दै नेकपा एमाले प्रदेश कमिटिका सदस्य धन्जे परियारले माछा दिने भन्दा माछा मार्ने सिप सिकाउने ठुलो भएकाले भत्तालाइ भन्दा सिप सिक्नमा केन्द्रीत रहेर तालिम सिक्न आग्रह गर्नु भएको छ । यसै गरी नेपाली काँग्रेश महादिबेशन प्रतिनिधि रामबहादुर टमटाले पनि बजेट थोरै भए पनि बेमौसमी तरकारी कसिरी फलाउन सकिन्छ भनेर सिक्नु भयो भने यहाँका नागरीकले बाह्रै महिना तरकारी खान पाउने बताउनु भयो ।

यसै गरी अदानचुली गाउँपालिकाका प्रमुख प्रशासकिय अधिकृत हंस महताराले यस किसिमको तालिम हाम्रो ठाउँमा उपयुक्त भएको बताउँदै हामीले खेर जाने पानीको प्रयोग गरेर बेमौसमी तरकारी उत्पादन गर्न सकियो भने कसरी आत्मनिर्भर गर्नेछ भन्ने कुरा तालिमले सिकाउने बताउनु बताए ।

कार्यक्रमका प्रमुख अतिथि समेत रहेका अदानचुली गाउँपालिकाका उपाध्यक्ष कर्ण रोकाया सुधारले प्रदेश सरकारको कार्यक्रमले दैनिक १०० रुपैया भत्ता दिनु उपयुक्त नभएको बताउनु भएको छ । यता असारको समयमा नागरिकलाई सिप सिकाउने भए पनि उनिहरुलाई खाना सम्मको ब्यबस्था गरी दिनु पर्ने बताउदै भन्नु भयो उहाँले यदी १०० रुपैया मात्र खर्च हो भने वडा वडामा गएर यस किसिमको तालिम दिएको भए उपयुक्त हुँने बताउँदै प्रदेस हो या जिल्लाले कन्जुस्याई गरेको प्रतिकृया दिए ।

तर उद्योग तथा उपभोक्त हित संरक्षण कार्यालयले कोहि कसैलाइृ पनि भत्ता नदिे तर खाजा खर्च बापत दैनिक १०० रुपैया दिने गरेको आयोजकले जनाएको छ । प्रत्येक वडाबाट वडा अध्यक्षको सिफारीसमा ५ जना दलित महिला र ५ जना दलित पुरुष गरी ६ वडाबाट ६० जना महिलालाइृ एकै ठाउँमा राखेर ७ दिन सम्म बेमौसमी तरकार िखेती सम्बन्धी तालिम दिन लागेको बताउनु भएको छ ।

प्रकाशित मिति: शुक्रबार, असार २१, २०८१ ०८:१२

प्रतिक्रिया दिनुहोस्