अदानचुलीमा दोस्रो मदानदेब गोल्ड कप फुटबल प्रतियोगिता हुने

समाज

गृहपृष्ठ
समाज
अदानचुलीमा दोस्रो मदानदेब गोल्ड कप फुटबल प्रतियोगिता हुने

फुटवल अदानचुलीमा दोस्रो मदानदेब गोल्ड कप फुटबल प्रतियोगिता हुने

सोमबार, भदौ ३०, २०८२ मोहनसिङ बुढा

अदानचुली गाउँपालिका वडा नम्बर २ मा संञ्चालित मदानदेब युवा क्लबको आयोजनामा आगामी असोज १७ गतेदेखि दोस्रो मदानदेब गोल्डकप खुला फुटबल प्रतियोगिता हुने भएको छ । युवा क्लबको बैठक बसी दोस्रो मदानदेब गोल्डकप खुला फुटबल प्रतियोगिताका बारेमा जानकारी गराएको हो ।

प्रतियोगिता बिजया दशमी तथा शुभ दिपावलीको अबसरमा १७ गते एकादशि तिथिका दिनदेखी २२ गते प्रतिपदा तिथिका दिनमा संञ्चालन हुने अध्यक्ष मोहनसिंह बुढाले जानकारी दिनु भएको छ । हिजो सम्म सो वडाकै मदन फार्मेसीले समेत आयोजना गर्ने भएनिएको भएपनि शुक्रबार फार्मेसी र मादनदेब युवा क्लबद्धारा संयुक्त बसेको बैठकले मदानदेब युवा क्लबलाइ आयोजना गर्ने सहमती भएको बताउनु भयो । प्रतियोगिताको मिति एकै समयमा भएको भएपनि मदन फार्मेसीले मदानदेबलाइ समर्थन गरी आयोजनामा सघाउने निर्णय गरिएको छ ।

प्रतियोगितामा प्रथम हुने टिमले नगद ४० हजार ४ सय ४४, द्धितीय हुने टिमले २० हजार २ सय २० र त्रितिय हुने टिमले १० हजार १ सय १० रुपैयाँ नगद सहित ट्रफी मेडल र प्रमाण पत्र प्राप्त गर्ने छन भने विभिन्न विधामा उत्कृष्ट हुने खेलाडीलाई विभिन्न पुरस्कार दिइने भएको छ । प्रतियोगितामा उत्कृष्ट खेलाडी पुरस्कार, सार्वाधिक गालेकर्ता पुरस्कार र उत्कृष्ट गोल रक्षक पुरस्कार समेत राखिएको छ ।

प्रतियोगिता अदानचुली गाउँपालिका भित्र रहेका गायन देखी अभिनय सम्मका कलाकार तथा सर्जकहरुलाइ सम्मान समेत गरिने भएको अध्यक्ष बुढाले बताउनु भएको छ । गाउँपलिकाको वडा नम्बर ३ स्थित फडेरा गाउँमा रहेको खेल मैदानमा संञ्चालन हुने प्रतियोगिता खुला गरिएको आयोजकले जनाएको छ ।

प्रकाशित मिति: सोमबार, भदौ ३०, २०८२ १८:२२

प्रतिक्रिया दिनुहोस्