भ्रष्टाचारको पक्षपोषण गर्ने ताला तोडेर विश्वविद्यालय चलाइन्छ ःउपकुलपति प्रा.डा. नन्दबहादुर सिंह

समाज

गृहपृष्ठ
समाज
भ्रष्टाचारको पक्षपोषण गर्ने ताला तोडेर विश्वविद्यालय चलाइन्छ ःउपकुलपति प्रा.डा. नन्दबहादुर सिंह

भ्रष्टाचारको पक्षपोषण गर्ने ताला तोडेर विश्वविद्यालय चलाइन्छ ःउपकुलपति प्रा.डा. नन्दबहादुर सिंह

आइतबार, पुस १५, २०८० एजेन्सी

सुर्खेत । मध्यपश्चिम विश्वविद्यालयलाई भ्रष्टाचार मुक्त बनाउन खोज्दा तालाबन्दी गरेको र अब ताला तोडेर विश्वविद्यालय चलाउने उपकुलपति प्रा.डा. नन्दबहादुर सिंहले बताएका छन् । भ्रष्टाचार मुक्त बनाएर विश्वविद्यालयलाई इज्जतका साथ चलाउन खोज्दा आफूमाथि घेराबन्दी गरिएको बताए । राजनीतिको आडमा आफूमाथि घेराबन्दी गर्दै आएको र तालाबन्दी गरेको उनको आरोप छ ।
आइतबार प्रश्न पत्र चुहावट सम्बन्धी कारबाहीको विषयमा आयोजित पत्रकार सम्मेलनमा उपकुलपति सिंहले विश्वविद्यालयमा कुनै पनि हालतमा भ्रष्टाचार हुन नदिने बताए । पुस तीन गतेदेखि सञ्चालन हुने भनिएको स्कुल अफ इन्जिनियरिङ स्नातक तह छैटौँ सेमेस्टरको प्रश्न पत्र परीक्षा सञ्चालन हुनुभन्दा पहिला नै बाहिरिएको थियो । प्रश्न पत्र चुहावटको विषयमा छानबिन समिति समेत बनाइसकिएको छ भने परीक्षा स्थगित गरिएको छ । परीक्षा व्यवस्थापन कार्यालयबाट नै प्रश्न पत्र चुहावट भएको आशङ्का गरिएको छ ।
उपकुलपति सिंहले अहिलेसम्म ६ जना शंकाको घेरामा रहेको र उनीहरूमाथि छानबिन भइरहेको बताए । सिंहले जसरी भए पनि दोषीलाई कारबाहीको दायरामा ल्याएरै छाड्ने दाबी गरे ।

प्रकाशित मिति: आइतबार, पुस १५, २०८० १५:३८

प्रतिक्रिया दिनुहोस्