रुम्दीका थापा एक हप्ताबाट सम्पर्क बिहिन ।

घटना

गृहपृष्ठ
घटना
रुम्दीका थापा एक हप्ताबाट सम्पर्क बिहिन ।

रुम्दीका थापा एक हप्ताबाट सम्पर्क बिहिन ।

शुक्रबार, फागुन ९, २०८१ उमेश रोकाया

बाजुरा जिल्लाको हिमाली गाउँपालिका वडा नं. २ रुम्दी बस्ने अन्दाजि ३८ वर्षका भिम बहादुर थापा एक सातादेखि बेपत्ता भएका छन । माघ २८ गते धुलाचौरबाट हुम्ला जिल्लाको ताजाकोट गाउँपालिका गएका थापा अहिले सम्म घरमा नआएको उनकि श्रीमती बिसकला थापाले बताउनु भयो ।

ताँजाकोट गाउँपालिका र बाजुराको हिमाली गाउँपालिकाको बिचमा रहेको कुवाडी खोलामा लामो समय देखी लघुजलविद्युत निर्माणाधिन अवस्थामा रहेको छ । ताँजाकोट गाउँपालिका वडा नम्बर २ मेलढुस्का स्थिति कवाडी जलविद्युत आयोजनाको लागि हुम्लाको सदरमुकाम सिमिकोटमा रहेको राष्ट्रिय वाणिज्य बैँकमा गएर विद्युतको खाता संचालन गर्न जाने भनि फागुन २ गते दिउँसो १ बजे हिडेका थापा अहिले सम्म पनि सम्पर्क बिहिन भएपछि नजिकको प्रहरी कार्यालय कवाडी प्रहरी चौकीमा समेत जानकारी गराएको निजकी श्रीमती थापाले बताउनु भयो ।

हिमाली गाउँपालिका केन्द्र धुलाचौर बजारमा होटल व्यवसायी गर्दै आइरहेका भिम बहादुर थापा माघ २८ गते आफ्नो नागरिकता बोकेर हुम्ला जिल्ला सदरमुकाम सिमकोट जान्छु भन्दै घरबाट निस्केका थापा माघ २९ गते फोन सम्पर्क गर्दा सिमकोट काम भैसकेकोले गाडी भेटिएपछि फर्किने बताएका थिए । फागुन २ गते बिहान ११ बजेसम्म पनि कुराकानी भएको तर सोही दिनका दिउँसो १ बजेबाट आजसम्म फोन सम्पर्क नहुँदा घरपरिवार चिन्तित भएका छन ।

धुलाचौर पुग्छु भनेका थापा हालसम्म घरमा फर्कि नआएको हुँदा घरपरिवार, आफन्तहरुसँग समेत सम्पर्कमा नआएकाले प्रहरी चौकी कवाडीमा खोजी खबरीको लागि निवेदन दिएको सोही गाउँका उमेश रोकायाले बताउनु भयो ।

प्रकाशित मिति: शुक्रबार, फागुन ९, २०८१ २२:१९

प्रतिक्रिया दिनुहोस्