एमाले कर्णालीको अध्यक्षमा गुलावजंग शाह र सचिवमा ध्रुव शाही बिजयी

राजनीति

गृहपृष्ठ
राजनीति
एमाले कर्णालीको अध्यक्षमा गुलावजंग शाह र सचिवमा ध्रुव शाही बिजयी

एमाले कर्णाली प्रदेश अधिवेशन एमाले कर्णालीको अध्यक्षमा गुलावजंग शाह र सचिवमा ध्रुव शाही बिजयी

सोमबार, असोज १५, २०८० कचहरी समाचारदाता

सुर्खेत । नेकपा एमाले कर्णाली प्रदेशको अध्यक्षमा गुलावजंग शाह बिजयी हुनुभएको छ । ६ सय ४ मत गणना गर्दा शाहले ३ सय ६९ मत प्राप्त गरी शाह अध्यक्षमा निर्वाचित हुनुभएको हो ।

कर्णाली प्रदेशमा भएको निर्वाचनमा कुल ६ सय ९ मत खसेको थियो । शाहले ६ सय ४ मत गणाना हुँदा नै ५० प्रतिशत भन्दा बढी मत प्राप्त गरी बिजयी हुनुभएको हो ।

६ सय ४ मत गणना गर्दा शाहका प्रतिस्पर्धी मीनबहादुर शाहीले २ सय ७ मत पाउनु भएको छ भने अर्का उम्मेदवार प्रकाश रोकायाले ४ मत पाउनु भएको छ । यस्तै उपाध्यक्षमा शाह प्यानलकै टेकराज पर्छाईले ३ सय ४२ मतका विजयी हुँनु भएको छ भने प्रतिस्पर्धी लालबहादुर महताराले १ सय ७६ र दानसिंह शाहीले ५९ मत पाउनु भएको छ ।

सचिवमा ध्रुवकुमार शाहीले ४ सय ६ मत प्राप्त गरी बिजयी हुनुभएको छ । उहाँका प्रतिस्पर्धी रुद्रबहादुर शाहीले १६९ मत पाउनु भएको छ । यस्तै उपसचिवमा रबिन्द्रराज शर्माले ३०० मत प्राप्त गरी विजयी हुँनु भएको छ । अर्का उपसचिवमा रेशमबहादुर शाही २६६ मत ल्याएर विजयी हुँनु भएको छ उनका निकटतम प्रतिस्पर्धी पदमा खडकाले १५१ र मेनका पछाईले ९६ मत पाउनु भएको छ ।

प्रकाशित मिति: सोमबार, असोज १५, २०८० २०:१८

#गुलावजंग शाह

प्रतिक्रिया दिनुहोस्